Manual QA

Niyə Manual QA?

Manual QA mühəndisliyini öyrənmək IT sahəsində karyera qapılarını daha sürətli açır.

Yüksək tələbat: Proqram təminatı hazırlanması sahəsində hər gün gedən inkişaf və rəqabət bacarıqlı QA mütəxəssislərə həm yerli, həm də xarici şirkətlərdə ehtiyacı daha da artırır.

Karyera inkişafı: QA manual, QA analitik, QA Test mütəxəssisi, karyera UAT (User Acceptance Testing) Tester, QA Konsultant, QA menecer, QA departamentinin rəhbəti kimi karyera imkanlarına sahib ola bilərsiniz.  

Remote iş imkanı: Qlobal şirkətlərdə bu sahə üzrə tələbat daha çox olduğundan digər IT peşələrində olduğu kim, QA mühəndislər də xarici  şirkətlərlə remote şəkildə çalışa və ya iş vizası ilə başqa ölkələrə köçə bilərlər.

Sürətli öyrənmək imkanı: Manual QA mühəndisliyini qısa müddətdə öyrənib, bu sahə üzrə iş sahibi ola bilərsiniz, üstəlik başlamaq üçün heç bir proqramlaşdırma və riyaziyyat biliyi tələb edilmir. 

Manual QA mühəndisliyi nədir?

QA-in açılışı Quality Assurance – Keyfiyyətin Təminatı deməkdir. Manual QA mütəxəssisləri hazırlanan tətbiqlərin və ya bir funksionallığın keyfiyyətini təmin etmək üçün dəqiqliklə testlər aparırlar və aşkarlanan xətalar ilə bağlı proqramlaşdırma komandasına məlumat verirlər.

Avtomatlaşdırılmış testlərdən fərqli olaraq Manual QA mühəndisləri real insan interaksiyalarını simulyasiya edərək proqram təminatında olan “bug”ları və istifadəçi xətalarını aşkarlayırlar. Bu peşə sahibləri test planları hazırlayır və icra edir, tapılan xətaların dokumentasiyasını aparır, front-end və back-end proqramçılarla birlikdə çalışaraq proqram təminatının buraxılmasına qədər aşkarlanan bütün xətaların aradan qaldırılmasını təmin edir.